• Allgemein

    Januarloch

    Mängisch füut sech dr Johresaafang wien e heftigi Landig uf hertem Asfaut aa. Die fluffig-kuschlige, glitzerige, i warms Liecht touchte Feschttäg si düre. Me het s’letschte Papirchügeli vor Süuveschter-Tischbombe ungerem Gusch füreknüblet, es funklet nume no dr Glitzer, wo sech vom Wienachtsschmuck glöst u sech i de Ritze vom Pargget feschtgsetzt het und ir Chrömlibüchse darbet s’letschte, trochene Meiländerli am ne ungwüsse Schicksau entgäge. Im Januar luegt mir die chauti, herti Realität is bleiche Gsicht, ungerschtrycht das no mit em ne Kontouszug, wo mi gruuset und usserdäm passt s’Füdle nüm i d’Lieblings- tschiins. Und um däm ganze no s’Tüpfli uf z’setze, tobet sech do usse immer no dä fiis Virus…

  • Allgemein

    Familieknatsch

    Geschter bini vermuetlech nid schlöier gsi aus hüt, aber jünger. Vorgeschter bini richtig schlau gsi, würklech. Das het sech hüt aus unrichtig usegschtöut. Geschter isch es aber no richtig gsi, ömu füre Momänt. Ig ha ghandlet, wöu mou öper het müesse handle und usserdäm hanis guet gmeint. Jetz weis i aber, dass guet gmeint s’Gägetöu vo Guet u dass Schnore villech doch nid s’glyche wie Handle isch. U vorgeschter isch nume eini uf mi hässig gsi, aber geschter si no es paar meh derzue cho, wo jetz ou uf mi hässig si u was vorgeschter no ganz isch gsi, isch jetz kaputt. Woby, so dumm schnore cha jetz niemer, das…

Das Kopieren von Inhalten dieser Website wurde blockiert.
Kontaktiere mich unter gwen@diehaesin.ch, wenn Du meine Texte oder Bilder verwendet möchtest.